Бүгін Астанада Кодекстің Траст қорының ФАО/ДДСҰ жобасы аясында «Алиментариус кодексі. Нәтижелер, алынған сабақтар, жетістіктер» тақырыбында конференция өтті.

Конференция Алиментариус Кодексі саласындағы тұрақты ұлттық әлеуетті қалыптастыруға бағытталған жобаның қорытынды іс-шарасы болып табылады.

Конференция жұмысына мемлекеттік органдардың басшылары және ФАО, ДДҰ, ДДСҰ халықаралық ұйымдарының өкілдері қатысты.

Конференцияға қатысушылар азық-түлік қауіпсіздігінің өзекті мәселелері туралы айтып, халықтың қауіпсіздігі мен өмір сүру сапасын арттырудың бірлескен тәсілдерін талқылады.

Іс-шараға ҚР ДСМ СЭБК Ұлттық сараптама орталығының Басқарма Төрағасы Ерлан Қиясов қатысып, бүгінгі өткізіліп жатқан конференция қатысушыларға тамақ қауіпсіздігі саласындағы құнды тәжірибелерімен бөлісуге мүмкіндік беретінін атап өтті.

ҰСО зертханаларының даму перспективалары туралы айта келе, Ерлан Қиясов халықтың денсаулығын сақтау саласын анықтауға ден қою және мониторингтің барлық негізгі процестерінде жоғары сапалы зертханалық диагностиканың қолжетімділігін қамтамасыз ету үшін зертханаларды нығайту мақсатында халықаралық ұйымдармен және институттармен ынтымақтастықты кеңейтуді ерекше атап өтті.

«Ұлттық сараптама орталығы жетекші зертханалар арасында өз позициясын нығайтуға, операциялық көрсеткіштер бойынша озық позицияларды сақтауға ұмтылады», - деді ҰСО Басқарма Төрағасы.

Өз сөзінің соңында ол сондай-ақ Кодекс комиссиясының Қазақстан Республикасының Еуропа бойынша міндеттемелерін іске асыруда ҰСО енгізген елеулі үлесіне назар аударды.

Сурет галереясы